Zastupiŭsia na svaju hałavu: minčuk sprabavaŭ «abaranić» siabroŭku ad kantraloraŭ. Zaraz moža sieści na 5 hadoŭ

29.03.2019 / 13:02

Zdareńnie adbyłosia 27 lutaha ŭ18.45 na prypynku hramadskaha transpartu na Partyzanskim praśpiekcie, paviedamlaje minskaja milicyja.

Kantralory praviarali ŭ aŭtobusie apłatu prajezdu. Adna žančyna nie apłaciła prajezd, i joj prapanavali vyjści z sałona dla składańnia administracyjnaha pratakołu za bieźbiletny prajezd.

Tady jana pazvaniła svajmu siabru. Žančynie było prapanavana ŭsio ž apłacić prajezd. Padčas razmovy z kantralorami da ich padyšoŭ mužčyna i staŭ pahražać.

Jon schapiŭ za słužbovuju formu adnu z supracoŭnic, jana ŭpała. U chodzie kanfliktu byŭ paškodžany videarehistratar. Paśla taho, jak vyklikali milicyju, mužčyna ŭciok. Ale byŭ chutka zatrymany.

Im akazaŭsia 41-hadovy minčuk, jaki pracuje na adnym z pradpryjemstvaŭ stalicy. Jak patłumačyŭ sam złamyśnik, jon chacieŭ pieraškodzić kantraloram pryciahnuć da administracyjnaj adkaznaści za bieźbiletny prajezd svaju siabroŭku.

Zaviedziena kryminalnaja sprava, mužčynu pahražaje da piaci hadoŭ źniavoleńnia.