Śmiarotnaja honka «Dakar»

Čarhovaja z paŭsotni śmierciaŭ na słavutym rali «Dakar» — znojdzieny niežyvym francuzski matacyklist.

08.01.2009 / 14:22


Unačy z aŭtorka na sieradu na ciažkadastupnym adcinku trasy rali «Dakar-2009» miž haradami Santa-Roza j Puerta Madryd znajšli niežyvym francuzskaha matacyklista Paskala Tery.

Jon lažaŭ u 15 metrach ad svajho matacykła. Jak paviedamiła paźniej ahiencva AR, honščyk pamior ad acioku lohkich, pryčynaj jakoha stali prablemy z sercam.

Sioletniaje rali «Dakar» prachodzić ad 3 da 18 studzienia ŭ Arhientynie j Čyli. U im biaruć udzieł paŭtysiačy honščykaŭ na matacykłach, kvadracykłach, lehkavych i hruzavych aŭtamabilach.

Ad 1979 hodu na «Dakary» z roznych pryčynaŭ zahinuli 48 čałaviek — spartoŭcaŭ, hledačoŭ, techničnych pracaŭnikoŭ.

cz