«Barsiełona» padpiša zorku «Ajaksa»

De Liht pierabiarecca ŭ Katałoniju, piša De Telegraaf.

01.04.2019 / 16:06

U letniaje tranśfiernaje akno «Barsiełona» padpiša 19-hadovaha abaroncu «Ajaksa», kapitana kamandy Matejsa de Lihta.

Amsterdamcy dali zrazumieć katałoncam, što im nie pryjdziecca płacić za de Lihta stolki ž hrošaj, jak inšym kłubam.

«Vidavočna, što de Liht piarojdzie ŭ «Barsiełonu». Jany nie zacikaŭlenyja ŭ vajnie prapanoŭ, a adnosiny pamiž kłubami vielmi mocnyja», — havorycca ŭ vydańni De Telegraaf.

«Ajaks» chacieŭ atrymać za abaroncu nie mienš za 100 miljonaŭ jeŭra. Taksama stała viadoma, što «Barsiełona» ŭžo prapanoŭvała 60 miljonaŭ, ale atrymała admovu.

Sam ža futbalist nie vyklučyŭ mahčymaść praciahu karjery ŭ Italii, dzie na jaho pretenduje «Juvientus».

U hetym siezonie de Liht pravioŭ ŭ hałandskaj vyšejšaj lizie 26 matčaŭ i zabiŭ 2 hały, u Lizie čempijonaŭ na rachunku maładoha futbalista 13 hulniaŭ i 1 hoł.