Kvitok na ciahnik možna budzie kupić navat u šlachu

03.04.2019 / 17:12

U traŭni Biełaruskaja čyhunka płanuje źniać abmiežavańni pa prodažy prajaznych dakumientaŭ z elektronnaj rehistracyjaj. Ich možna budzie nabyvać navat ŭ darozie, pieradaje «Čyhunačnik Biełarusi». 

Jak rastłumačyŭ namieśnik načalnika profilnaj słužby Upraŭleńnia darohi Alaksandr Kazačok, prajekt praduhledžvaje abstalavańnie vahonnych učastkaŭ mabilnymi terminałami kantrolu dakumientaŭ (MTKD). Dadzienyja pryłady dazvolać całkam admovicca ad papiarovych viedamaściaŭ sa śpisami pasažyraŭ, jakija nabyli kvitok z elektronnaj rehistracyjaj. 

Nastupnym etapam stanie dapracoŭka sistemy prodažu prajaznych dakumientaŭ dla ŭkaranieńnia režymu realizacyi biletaŭ pa chodzie ruchu i źniaćcia abmiežavańniaŭ dla elektronnaj rehistracyi. U ciapierašni čas paśla adpraŭleńnia ciahnika nabyć kvitok, a taksama zdać ci abmianiać jaho praź internet z elektronnaj rehistracyjaj nielha. Zrabić heta možna tolki ŭ kasie.

U pieršuju čarhu novaŭviadzieńnie zakranie najbolš papularnyja kirunki: Minsk — Brest i Minsk — Homiel. Padrychtoŭčyja raboty płanujecca zaviaršyć da maja.