Vybar Valancina Akudoviča – na bajdarkach pa Naračanskim krai

Biełaruski filozaf Valancin Akudovič – akramia taho kandydat u majstry sportu pa alpiniźmie i zaŭziaty turyst.

09.06.2006 / 00:13

Biełaruski filozaf Valancin Akudovič – akramia taho kandydat u majstry sportu pa alpiniźmie i zaŭziaty turyst.

Aŭtar niezabyŭnaha «Mianie niama» znajecca va ŭsich sposabach adpačynku: možna iści pieššu, jechać na rovary. Adnak sam jon apošnija hady addaje pieravahu vodnym vandroŭkam. Hetym letam planuje razam ź siabrami vypravicca ŭ padarožža pa Naračanskim krai. Dla ŭsich astatnich raić niekalki maršrutaŭ, pa jakich nieadnojčy padarožničaŭ.

Maršrut №1,

jakim i sam pakiruje sioleta: Miadzieł – raka Naračanka – voziera Narač – raka Vialla. Cudoŭnyja miaściny, vielmi prydatny dla spłavu na bajdarkach maršrut.

Maršrut №2

Možna pajechać u Rakaŭ i adtul užo na bajdarkach kiravacca da Niomanu pa Isłačy i Zachodniaj Biarezinie.

Maršrut №3

Samaje hłybokaje voziera našaha kraju – Doŭhaje – taksama pryciahalnaje dla adpačynku miesca; ci raźmieščanaje pablizu voziera Šo – hieahrafičny centar Eŭropy, z rakoju Šošaj.

Dla velaturystaŭ

Dla amataraŭ rovaraŭ, pavodle słovaŭ sp.Akudoviča, adkrytaja ŭsia Biełaruś, bo našyja darohi dazvalajuć abjechać jaje ŭsiu. Tut možna prydumać ułasny maršrut. Chtości moža dajechać elektryčkaj ci ciahnikom da peŭnaj stancyi i adtul kiravacca pa abranym maršrucie (rekamenducca histaryčnyja miaściny Haradzienščyny i Viciebščyny), a možna pačać i ź Miensku.

Piešaja Viciebščyna

Dla piešych padarožžaŭ najbolšuju cikavaść ujaŭlaje paŭnočnaja Viciebščyna – najbolš čysty i małaludny kraj, da taho ž najbolš lasisty. Pryhožaja suvoraja pryroda, niepaŭtorny landšaft. Padyduć i Nalibockaja ź Biełavieskaj puščy, ale ŭ vypadku z apošniaj treba pakłapacicca pra dazvoł na znachodžańnie ŭ pamiežnaj zonie. Cikavym budzie i padarožža ŭ hłuchoje bałocistaje Paleśsie.

Urał

Dla amataraŭ horaŭ adzin z najstarejšych alpinistaŭ Biełarusi raić svoj ŭlubiony Paŭnočny Ŭrał – dastatkova tanny pa našym časie kirunak. Dla tych, chto ŭ harach upieršyniu, najlepšy varyjant – Karpaty, samyja blizkija i niaciažkija dla pačatkoŭcaŭ hory. Krym u hetym sensie – nialetniaja miaścina: nadta šmat ludziej, a taksama składanaści z zajezdam i vyjezdam.

Siamion Piečanko