Прэзентаваны талісман чэмпіянату свету па хакеі ў Казахстане. Але да яго выгляду ёсць пытанні ФОТА
24.04.2019 / 10:51
Арганізатары чэмпіянату свету па хакеі ў дывізіёне 1 у Нур-Султане прэзентавалі талісман, які будзе забаўляць заўзятараў на лёдзе «Барыс-Арэны».
Ім стаў снежны барс Барыс. Такую ж назву носіць і хакейны клуб з Нур-Султана.
icehockey.kz
Турнір пройдзе з 29 красавіка па 5 мая. У ім бярэ ўдзел і зборная Беларусі, якая выбыла ў першы дывізіён ўпершыню з 2003 года.
Супернікамі нашай каманды будуць зборныя Літвы (матч 29 красавіка), Славеніі (30 красавіка), Венгрыі (2 мая), Казахстана (4 мая) Паўднёвай Карэі (5 мая).
У элітны дывізіён выходзіць дзве каманды. Але зборная Беларусі нават у выпадку няўдачы, у любым выпадку будзе гуляць у эліце праз два гады: ў 2021 годзе ў Мінску і Рызе пройдзе чэмпіянат свету.