Міліцыя затрымала аўтара паведамлення аб мініраванні на станцыі метро «Уручча»
27.04.2019 / 22:48
Па факце заведама непраўдзівага паведамлення аб небяспецы на станцыі метро «Уручча» ў Мінску заведзена крымінальная справа (ч.1 арт.340 Крымінальнага кодэкса Рэспублікі Беларусь), паведамілі ў Следчым камітэце Рэспублікі Беларусь.
Падазраваны ў злачынстве затрыманы супрацоўнікамі міліцыі. Праводзяцца неадкладныя следчыя дзеянні, накіраваныя на высвятленне ўсіх абставін здарэння.