U sudzie nad rasijskimi futbalistami Kakoryn i Mamajevym prakuror zaprasiła dla ich da paŭtara hoda kałonii
06.05.2019 / 22:15
Futbalistaŭ Alaksandra Kakoryna i Paŭła Mamajeva sudziać za napad na kiroŭcu viadučaj «Pieršaha kanała» i čynoŭnika, pieradaje RBK.
Forvardu «Zienita» Alaksandru Kakorynu i jaho bratu Kiryłu prakuror paprasiła prysudzić da adnaho hodu i šaści miesiacaŭ kožnamu. Dla paŭabaroncy «Krasnadara» Paŭła Mamajeva prakuror paprasiła pakarańnie ŭ adzin hod i piać miesiacaŭ ahulnaha režymu, stolki ž dla futbalista amatarskaj lihi Alaksandra Pratasavickaha.
Dziaržabvinavaŭca padkreśliła, što paciarpiełyja Vital Sałaŭčuk, Dzianis Pak i Siarhiej Hajsin nie nastojvali na surovym pakarańni dla futbalistaŭ i nie pradjaŭlali da ich hramadzianskaha pazovu.
Spartśmienaŭ abvinavačvajuć u chulihanstvie i naŭmysnym naniasieńni lohkaj škody zdaroŭju.
8 kastryčnika 2018 hadoŭ ŭ Maskvie jany ciaham adnoj ranicy źbili kiroŭcu viadučaj «Pieršaha kanała» Sałaŭčuka, a taksama źbili ŭ kaviarni dyrektara departamienta Minpramhandlu Rasii Paka i kiraŭnika kampanii NAMI Hajsina.