Vice-kancleru Aŭstryi prapanoŭvała hrošy «bahataja rasijanka» ŭzamien na dziaržzakazy VIDEA

18.05.2019 / 08:36

Niamiecki časopis Spiegel apublikavaŭ videazapis, na jakim vice-kancler Aŭstryi i lidar ultrapravaj aŭstryjskaj partyi svabody FPO Chajnc-Kryścijan Štrachie pierad vybarami ŭ parłamient 2017 hoda viadzie pieramovy z «bahataj rasijankaj», jakaja prapanuje jamu hrošy na vybary ŭzamien na atrymańnie ŭ budučyni pryjarytetu dla jaje kampanij padčas dziaržaŭnych zakazaŭ.

Videa było zroblena na Ibicy, a hrošy prapanoŭvała padstaŭnaja fihura pa imi Alena Makarava.

Pavodle vydańnia, žančyna chacieła taksama nabyć bujnuju dolu ŭ haziecie Kronen-Zeitung, i praź jaje padtrymlivać partyju palityka na vybarach.

Uzamien, «rasijanka» choča, kab u vypadku pieramohi na vybarach, Chajnc-Kryścijan Štrachie adabraŭ dziaržaŭnyja zakazy ŭ bujnoj budaŭničaj kampanii Strabag i pieradaŭ ich jaje firmie.

Na videa nie bačna, ci braŭ palityk hrošy.

Lidary apazicyjnych partyj Nacyjanalnaj rady Aŭstryi (nižniaja pałata parłamienta) vystupili z patrabavańniem adpravić u adstaŭku vice-kanclera Chajnca-Kryścijana Štrachie.