Kanclera Aŭstryi Siebaśćiana Kurca adpravili ŭ adstaŭku paśla skandału z «plamieńnicaj rasijskaha aliharcha»
27.05.2019 / 17:44
U paniadziełak, 27 maja, parłamient Aŭstryi vynies votum niedavieru kancleru Siebaśćianu Kurcu na fonie ŭradavaha kryzisu, paviedamlaje aŭstryjskaje telebačańnie.
Rašeńniem parłamienta Siebaśćiana Kurca i členaŭ jaho ŭrada adchilili.
Uradavy kryzis razhareŭsia ŭ Aŭstryi paśla taho, jak niamieckija žurnalisty apublikavali videa, na jakim vice-kancler Aŭstryi i lidar ultrapravaj aŭstryjskaj partyi svabody FPOe (jakaja ŭvachodziła ŭ kirujučuju kaalicyju) Chajnc-Kryścijan Štrachie pierad vybarami ŭ parłamient 2017 hoda viadzie pieramovy z «bahataj rasijankaj», jakaja prapanuje jamu hrošy na vybary ŭzamien na atrymańnie ŭ budučyni pryjarytetu dla jaje kampanij padčas dziaržaŭnych zakazaŭ.