Лукашэнка цёпла павіншаваў Наўседу з перамогай і выказаў спадзеў на дыялог на гасціннай беларускай зямлі
28.05.2019 / 08:26
15min.lt
Аляксандр Лукашэнка павіншаваў Гітанаса Наўседу з перамогай на прэзідэнцкіх выбарах у Літве.
«Вельмі разлічваю, што ваша дзейнасць на гэтай высокай пасадзе будзе садзейнічаць наладжванню канструктыўных беларуска-літоўскіх кантактаў у мэтах вырашэння існуючых паміж нашымі краінамі пытанняў і павышэння ўпэўненасці і бяспекі ў рэгіёне», - гаворыцца ў віншаванні.
Аляксандр Лукашэнка пацвердзіў зацікаўленасць у пашырэнні супрацоўніцтва з Літвой на прынцыпах роўнасці і добрасуседства ў палітычнай, гандлёва-эканамічнай, гуманітарнай і іншых галінах.
«Вельмі спадзяюся на працяг двухбаковага дыялогу, у тым ліку і на гасціннай беларускай зямлі», - падкрэсліў ён.