Student-zamiežnik pazyčyŭ u ziemlaka noŭtbuk i zdaŭ jaho ŭ łambard

28.05.2019 / 17:09

22-hadovy student z Turkmienistana pazyčyŭ noŭtbuk u svajho ziemlaka i nie viarnuŭ. Chłopcy vučacca ŭ adnoj VNU ŭ Hrodnie i žyvuć u adnym internacie, paviedamlaje UUS Hrodzienskaha abłvykankama.

Tydzień tamu 22-hadovy chłopiec paprasiŭ u svajho znajomaha noŭtbuk, kab vykanać niekalki zadańniaŭ. Uziaŭšy techniku, chłopiec adnios jaje ŭ łambard, kudy i zdaŭ čužuju reč. Za sučasny noŭtbuk jon atrymaŭ 450 rubloŭ, a ŭładalniku skazaŭ, što chutka viernie kampjutar.

Techniku jon tak i nie viarnuŭ, paciarpieły źviarnuŭsia ŭ milicyju. Tam vyśvietlili, kudy źnik noŭtbuk, ciapier jon kanfiskavany. U dačynieńni da studenta zaviali kryminalnuju spravu pa artykule «Prysvajeńnie abo rastrata».