MZS Rasii: Aŭstryjski ŭrad staŭ achviaraj rusafobii
29.05.2019 / 16:46
Urad Siebaśćiana Kurca ŭ Aŭstryi, adpraŭleny ŭ adstaŭku 27 maja, staŭ achviaraj rusafobski kampanii. Pra heta zajaviŭ u sieradu ministr zamiežnych spraŭ Rasii Siarhiej Łaŭroŭ, paviedamlaje TASS.
«Pytańnie pra ruskamoŭnuju baśnijskuju studentku. Dumaju, što tut usio ŭsim zrazumieła, — skazaŭ ministr. — Rusafobija ciapier u modzie, za jaje možna atrymać niejkija pazityŭnyja dyvidendy ad «starejšych bratoŭ», možna śpisvać usio na ruskich pa pryncypie highly likely [«vielmi vierahodna»], jaki abviaściła ŭ svoj čas [premjer-ministr Vialikabrytanii] Tereza Mej. Heta vielmi modna».
«Pakazalna, što svabodnyja srodki masavaj infarmacyi na Zachadzie, jakija aktyŭna padchapili viersiju pra ruskaje pachodžańnie hetaj dziaŭčyny, paśla stali, praŭda, kazać «ruskamoŭnaja» i rehularna nahadvali pra heta, — praciahnuŭ Łaŭroŭ. — Zaraz, kali prajaśniłasia baśnijskaje pachodžańnie hetaj studentki, čamuści pra heta mała paviedamlajuć, kali naohuł paviedamlajuć».