З самалётамі і танкамі: у Гродне прайшоў парад дзіцячых калясак ФОТЫ
31.05.2019 / 20:30
Сёлета традыцыйны парад калясак у Гродне прайшоў на два тыдні пазней, чым звычайна. Штогод ён праводзіцца напярэдадні міжнароднага Дня сям’і, але з-за надвор’я мерапрыемства давялося адкласці на канец мая, піша Hrodna.life.
У ім прынялі ўдзел 75 гарадзенскіх сем’яў з рознымі стылізаванымі вазкамі. На парадзе можна было ўбачыць і самалёты, і танкі, і нават хатку на курыных ножках.
Арганізатары распавялі, што адмыслова выбралі канкрэтную колькасць сем’яў: каб прымеркаваць мерапрыемства яшчэ і да 75-годдзя вызвалення Беларусі ад нямецка-фашысцкіх захопнікаў.