Rasijski miljarder prakamientavaŭ svoj padarunak Łukašenku
08.06.2019 / 06:02
Prezident mižnarodnaj hrupy kampanij «Areci» Ihar Makaraŭ ličyć za lepšaje daryć rovar šmatlikim svaim siabram i partnioram. Pra heta ŭ kamientary Tut.by napisaŭ pradstaŭnik Makarava.
Jon nahadaŭ, što Ihar Makaraŭ, u minułym člen alimpijskaj zbornaj SSSR, majstar sportu mižnarodnaha kłasa siońnia źjaŭlajecca hanarovym prezidentam Rasijskaj fiederacyi viełasportu i ŭvachodzić u skład kiraŭnictva Mižnarodnaha sajuza viełasipiedystaŭ i ŭ jaho abaviazki ŭvachodzić raźvićcio i papularyzacyja viełasipiednaha sportu va ŭsim śviecie, u tym liku u Respublicy Biełaruś. Jon taksama ličyć, što heta najlepšy vid aktyŭnaha adpačynku.
Čytajcie taksama:
Rovar, na jakim Kola Łukašenka kataŭsia ŭ Bałbasavie, kaštuje niekalki tysiač jeŭra
Ejsmant: «Rovary Łukašenku padaryŭ biznesmien Makaraŭ». Raskazvajem, chto taki Makaraŭ
«Mienavita tamu mnohim svaim siabram i partnioram jon ličyć za lepšaje daryć rovar, jaki, na jaho dumku, zdolny zrabić nasyčanaje žyćcio zaniataha čałavieka bolš zbałansavanym i zdarovym», — skazaŭ pradstaŭnik Makarava.
Pa inicyjatyvie biznesmiena na praciahu ŭžo mnohich hadoŭ realizujecca prahrama pa akazańni materyjalna-techničnaj dapamohi viełafiederacyjam i spartyŭnym škołam, jakija zajmajucca raźvićciom viełasportu pa ŭsim śviecie, u tym liku ŭ rodnaj dla jaho Respublicy Biełaruś.
Na dniach stała viadoma, što Ihar Makaraŭ padaryŭ darahija rovary Alaksandru Łukašenku i jaho małodšamu synu. Ci kiraŭnik dziaržavy ŭžo spłaciŭ padatak z padarunka ad asoby, jakaja nie jość jaho blizkim svajakom, pakul nie paviedamlałasia.
U sakaviku 2019 hoda Makaraŭ padaryŭ prezidentu Turkmienistana Hurbanhuły Bierdymuchamiedavu «rovar najnoŭšaj madyfikacyi» i atrymaŭ mahčymaść raspracoŭvać naftavaje radovišča Uzynda na Kaśpii.
Ihar Makaraŭ zajmaje 48 miesca ŭ rejtynhu 200 najbahaciejšych biznesmienaŭ Rasii. Jaho bahaćcie aceńvajecca ŭ 2,1 młrd dalaraŭ.
U svoj čas Makaraŭ pastaŭlaŭ haz u Biełaruś, zajmaŭsia budaŭnictvam i vioŭ inšyja biznesy ŭ krainie. Z 2005 hoda jon źjaŭlajecca hanarovym konsułam Biełarusi ŭ Maskvie.
{POLL#865}