U Alaksandra Hleba naradziłasia druhaja dačka
11.06.2019 / 10:02
U Alaksandra Hleba taksama jość pryjomnaja dačka
10 červienia ŭ 6 radzilni Minska žonka Śviatłana naradziła znakamitamu futbalistu Alaksandru Hlebu druhuju dačku, piša kp.by.
«My z Sašam zahadzia prydumali imia dla našaj dziaŭčynki, vyrašyli nazvać jaje Aryna, — nieŭzabavie paśla rodaŭ raspaviała «Kamsamołcy» ščaślivaja mama. — My znoŭ vybrali 6 radzilniu, u jakim raniej źjaviłasia Sašańka, i dzie nam vielmi spadabałasia. Dla mianie było važna, kab muž uvieś čas — i padčas rodaŭ, i paśla — znachodziŭsia pobač. Plus tut kvalifikavanyja, vopytnyja ŭračy, ja vielmi zadavolenaja - i ŭ čałaviečym, i ŭ prafiesijnym staŭleńni».
Sam Alaksandr Hleb tak prakamientavaŭ značnuju padzieju: «Ja pa-sapraŭdnamu ščaślivy, što ŭ mianie try dački. Dla mianie ŭsio roŭna — chłopčyk, dziaŭčynka, hałoŭnaje, kab raśli zdarovieńkija. Ja ŭžo troški pa-inšamu hladžu na hetyja rečy, Boh tak rasparadziŭsia. I mnie padabajecca być tatam — heta kranalna i niezabyŭna».