Зніклая расійская спартсменка знайшлася ў палоне мужа
Паліцыя знайшла жывой зніклую некалькі дзён таму 33-гадовую спартсменку Алену Рухляду.
20.06.2019 / 12:49
Алена Рухляда. Фота: старонка Алены ва «Укантакце»
Жанчыну ўтрымліваў у няволі былы муж, які служыў раней у АМАПе, у пасёлку Бібіха. 34-гадовы раней не судзімы мужчына затрыманы, а спартсменка вызвалена. У падазраванага канфіскавана гумавая лодка, скотч, вяроўка і нож.
Па дадзеных следства, зранку 18 чэрвеня былы муж прыйшоў у кватэру Алены, якая ў гэты момант была з іншым мужчынам. Пагражаючы нажом, былы амапавец звязаў іх. Жанчыну ён забраў з сабой, пасадзіў у машыну і павёз на бераг ракі Обі. Там яны пераселі ў лодку і даплылі да пасёлка Бібіха.