Румас назваў любімыя віды спорту
20.06.2019 / 13:26
БелТА
Кіраўнік урада распавёў беларускім спартсменам, што будуць удзельнічаць у Еўрапейскіх гульнях, якім відам спорту ён аддае перавагу.
«Два віды спорту засталіся, якімі я займаюся, раней было больш. Я гуляю ў тэніс і плаваю. Раней у хакей гуляў. Добрыя віды спорту, усім раю», — паведамляе БелТА.
«Хочацца пажадаць усім ўдачы. Мы ўсе будзем за вас балець. Для вас гэта знакавае спаборніцтва, вы да яго доўга рыхтаваліся, і мы спадзяемся ўбачыць вас на п'едэстале. Таму ўдачы вам і спартыўнага шанцавання», — сказаў Сяргей Румас.