Vakalist Neuro Dubel Juryj «Paskuda» Navumaŭ u reanimacyi z nažavym ranieńniem
20.06.2019 / 17:31
Jak stała viadoma Jeŭraradyjo, vakalist Neuro Dubel Juryj Navumaŭ znachodzicca ŭ reanimacyi. U balnicu jon patrapiŭ 18 červienia z tryma nažavami ranieńniami ŭ žyvot.
Navumavu zrabili niekalki apieracyj, pahroza žyćciu minuła.
Juryj Navumaŭ, viadomy fanatam hurta jak Paskuda, adzin z vakalistaŭ Neuro Dubel. 28 červienia jamu spoŭnicca 47 hadoŭ. U Neuro Dubel jon pryjšoŭ u 1991-m hodzie. Paśla śmierci lidara hurta Alaksandra Kulinkoviča, Juryj staŭ adzinym frontmenam hurtoŭ Neuro Dubel i «Viełosipiedistov».
23 červienia Neuro Dubel maje vystupić na fiestyvali «Kupalskaje koła». Vierahodna, kancert hurta nie adbudziecca.