У беларускіх ВНУ на палове спецыяльнасцей плануецца ўвесці навучанне на англійскай мове

21.06.2019 / 17:52

Каля паловы спецыяльнасцей у беларускіх ВНУ ў перспектыве можна будзе атрымліваць на англійскай мове. Пра гэта паведаміў сёння міністр адукацыі Ігар Карпенка, перадае БелТА.

Па словах міністра, у Беларусі паставілі перад сабой амбіцыйную мэту — пачаць падрыхтоўку на англійскай мове па 50% спецыяльнасцей вышэйшай школы.

«Іх каля 300, дзесьці на 150 мы ў перспектыве павінны выйсці», — адзначыў ён. Называць канкрэтных тэрмінаў Ігар Карпенка не стаў.