Pucin pahadziŭsia na novuju sustreču «narmandskaj čaćviorki»
29.06.2019 / 19:22
Pytańnie vyzvaleńnia 24 zatrymanych ukrainskich marakoŭ paśla incydentu ŭ Kierčanskim pralivie moža być vyrašana ŭ bližejšy čas, zajaviŭ u subotu, 29 červienia, u ramkach samitu «vialikaj dvaccatki» ŭ Osaka prezident Rasii Uładzimir Pucin. Hałoŭnaje, kab heta nie adbyvałasia ŭ ramkach pieradvybarnaj baraćby va Ukrainie, pryvodzić słovy Pucina, skazanyja na pres-kanfierencyi paśla zakančeńnia sustrečy z kancleram FRH Anhiełaj Mierkiel, Deutsche Welle sa spasyłkaj na ahienctva dpa.
Situacyju z ukrainskimi marakami Pucin, pa ŭłasnych słovach, abmiarkoŭvaŭ i z prezidentam ZŠA Donaldam Trampam. Vyniesienaje ŭ kancy maja rašeńnie Mižnarodnaha trybunała AAN pa marskim pravie ŭ Hamburhu ab vyzvaleńni marakoŭ na praciahu miesiaca Maskva nie pryznała, zajaŭlajučy, što hety trybunał nia vałodaje adpaviednymi paŭnamoctvami.
Adnoj z tem sustrečy Pucina z Anhiełaj Mierkiel u kułuarach samitu była abstanoŭka na ŭschodzie Ukrainy. Baki syšlisia na tym, što «narmandski farmat» pa ŭkrainskim pytańni treba zachavać. Adnak pytańnie, kali mahła b adbycca novaja sustreča «narmandskaj čaćviorki», pakul zastajecca adkrytym.
Pucin padkreśliŭ: «Zhodny z kancleram, što my pavinny vykarystoŭvać usie instrumienty, a tam ich nie tak užo šmat, adzin ź dziejsnych — narmandski farmat».
«Tak, budziem pracavać. Pytańnie tolki — kali. Terminy treba ŭzhadnić, u jakoj paśladoŭnaści budziem pravodzić kansultacyi — udvuch, ŭtroch, učatyroch», — cytuje Pucina Interfaks-Ukraina.