Amierykanskaja kinakampanija vypuścić film pra supierhierainiu plus-sajz
Kampanija Sony Pictures ŭziałasia za adaptacyju komiksa pra dziaŭčynu pa imi Fejt, jakaja ratuje śviet ad złačynnaści pad psieŭdanimam Ziefir. Na hety raz hałoŭnaj hierainiaj stanie nie žančyna-supierhieroj, a čaroŭnaja pampuška, piša sajt bigpicture.ru.
05.07.2019 / 11:07
Hałoŭnaja hierainia filma Fejt Hierbiert — abajalnaja krasunia ŭ ciele. Jana adroźnivajecca viasiołym noravam, lubić navukovuju fantastyku, pop-kulturu i vałodaje telekiniezam.
Dniom jana pracuje žurnalistkaj na papularnym sajcie, a ŭnačy pieraŭvasablajecca ŭ nadzieju usiaho horada — supierhierainiu Ziefir.
Piersanaž Fejt — heta krok da taho, kab zrabić supierhierojaŭ bolš inkluziŭnym. Mužčyny daloka nie zaŭsiody ŭjaŭlajuć saboj hory muskułaŭ, a žančyny nie tak časta majuć asinuju taliju i źniešnaść madelaŭ.
Fejt zusim nie takaja. Upieršyniu fanaty komiksaŭ ŭbačyli jaje ŭ 1992 hodzie ŭ jakaści člena kamandy «Harbinger» ad vydaviectva «Valiant». Dziaŭčyna z formami chutka zavajavała sercy prychilnikaŭ i ŭ 2010 hodzie stała hałoŭnaj hierainiaj ŭłasnaj sieryi komiksaŭ.