Памёр 10-месячны хлопчык, якога мама жорстка збіла ў двары
08.07.2019 / 14:30
Пра гэта паведамляе СК. Хлопчык памёр 29 чэрвеня ў бальніцы
Следчым упраўленнем УСК па Мінску працягваецца расследаванне крымінальнай справы ў дачыненні да яго маці, 34-гадовай жанчыны, якая падазраецца ў прычыненні цяжкіх траўмаў свайму 10-месячнаму сыну ў двары жылога дома на вул. Мазурава ў Мінску, з мэтай наўмыснага пазбаўлення жыцця.
У дачыненні да падазраванай працягваецца правядзенне стацыянарнай комплекснай судовай псіхолага-псіхіятрычнай экспертызы. Мера стрымання застаецца ранейшай — заключэнне пад варту.