Netflix выразаў сцэну самагубства з серыяла «13 прычын чаму»
Амерыканскі стрымінгавы сэрвіс Netflix прыняў рашэнне выразаць з серыяла «13 прычын чаму», які распавядае аб праблемах сучасных амерыканскіх школьнікаў, сцэну самагубства адной з гераінь праз два гады пасля яго прэм'еры. Аб гэтым кампанія паведамляе ў сваім Twitter.
17.07.2019 / 07:52
«Мы чулі ад многіх маладых людзей, што «13 прычын чаму» падштурхнуў іх пачаць разважаць пра такія складаныя тэмы, як дэпрэсія і суіцыд. <…> Па дамове медыцынскіх экспертаў <…> мы разам з стваральнікам серыяла Браянам Ёркі і прадзюсарамі вырашылі выразаць з першага сезона сцэну, дзе Ханна здзяйсняе самагубства», — гаворыцца ў паведамленні Netflix.
У новай версіі серыяла гэтая троххвілінная сцэна ўжо адсутнічае, глядач бачыць толькі момант, калі знаходзяць цела гераіні. Рашэнне выразаць гэтую сцэну было прынята напярэдадні выхаду трэцяга сезона, які абяцаюць выкласці ў сеціва да канца лета.