Z sajta Minsielhasa źnikła zhadka pra pres-sakratarku Zinaidu Bieraščenka, jakaja pasłała žurnalista
22.07.2019 / 12:41
Zhadka pra pres-sakratarku Zinaidu Bieraščenka źnikła z sajta Ministerstva sielkaj haspadarki i charčavańnia. Pa ŭkazanym na sajcie numary voś užo druhi pracoŭny dzień nichto nie adkazvaje. Źviazacca ź joj pa mabilnym telefonie taksama nie atrymlivajecca.
fota z fejsbuka Zinaida Bieraščenka
Zinaida Bieraščenka trapiła ŭ skandał 15 lipienia, kali abmaciukała karespandenta «NN», jaki źviarnuŭsia da jaje pa kamientar.
Na nastupny dzień pres-sakratarka paprasiła prabačeńnia za svaju «emacyjnaść».
«Naša Niva» źviarnułasia da ministra sielskaj haspadarki Anatola Chaćko z prośbaj pryciahnuć Zinaidu Bieraščenka da dyscyplinarnaj adkaznaści i nie praciahvać ź joj pracoŭny kantrakt.
Supracoŭniki viedamstva raskazali, što «ministr sam raźbiraŭsia ŭ situacyi». Jakoje rašeńnie jon pryniaŭ, pakul nieviadoma. Adnak zhadka pra Bieraščenka ŭžo źnikła z sajta Minsielhasa.