Erdahan pryhraziŭ ZŠA admovaj ad kupli samalotaŭ Boeing
26.07.2019 / 20:42
Na fonie paharšeńnia adnosin Vašynhtona i Ankary prezident Turcyi Redžep Taip Erdahan zajaviŭ, što jaho kraina moža admovicca ad ździełki pa kupli amierykanskich łajnieraŭ Boeing, piša Bloomberg.
Raniej ułady ZŠA zajavili ab spynieńni pastavak Turcyi źniščalnikaŭ F-35 z-za ździełki pa kupli kompleksaŭ S-400 u Rasii. «Vy nie dajacie nam F-35? Dobra, tady darujcie, ale nam pryjdziecca pryniać miery i pa hetym pytańni, i my bolš nie budziem da vas źviartacca», — zajaviŭ Erdahan.
Jon nahadaŭ, što akramia źniščalnikaŭ Ankara mieła namier zakupić i 100 madernizavanych łajnieraŭ Boeing. «Ciapier užo prybyŭ adzin z samalotaŭ Boeing, i my jaho apłacili, my dobryja pakupniki… Ale, kali tak budzie praciahvacca, nam pryjdziecca pierahledzieć padychod», — skazaŭ prezident Turcyi.
Raniej Turcyja źbirałasia kupić samaloty Boeing na ahulnuju sumu $10 miljardaŭ.