U fond rasijskaha apazicyjaniera Navalnaha pryjšli śledčyja
26.07.2019 / 22:44
Supracoŭniki rasijskaha Śledčaha kamiteta i palicyi pryjšli ŭ Fond baraćby z karupcyjaj apazicyjaniera Alaksieja Navalnaha, paviedamlaje RBK.
Pradstaŭnik SK kaža, što pieratrusy pravodziacca ŭ suviazi z kryminalnaj spravaj. Sprava źviazana z tym, što z 14 lipienia pa 19 lipienia «nieviadomyja asoby akazvali cisk na členaŭ maskoŭskaha haradskoha vybarkama i akruhovych vybarčych kamisij».
Taksama ź pieratrusami pryjšli ŭ štaby inšych rasijskich apazicyjanieraŭ: Hienadzia Hudkova i Illi Jašyna.
Ab prychodzie siłavikoŭ da baćkoŭ paviedamiŭ i municypalny deputat rajona Ziuzina Kanstancin Jankaŭskas.
Nahadajem, raniej Alaksieja Navalnaha aryštavali na 30 sutak za zaklik da ŭdziełu ŭ niaŭzhodnienaj akcyi ŭ padtrymku niezaležnych kandydataŭ 27 lipienia.