Расійскія вытворцы кабелю скардзяцца на беларускіх
05.08.2019 / 14:29
Дэпартамент антыманапольнага рэгулявання Еўразійскай эканамічнай камісіі (ЕЭК) праводзіць расследаванне па прыкметах магчымага парушэння правілаў канкурэнцыі.
Як паведамляецца ў прэс-рэлізе ЕЭК, увесну ў Камісію паступіла скарга ТАА «Ржэўскі кабельны завод» (Расія) на дзеянні чальцоў Асацыяцыі прадпрыемстваў кабельнай прамысловасці «Белкабель» (Беларусь).
Згодна з матэрыяламі, Асацыяцыя разаслала ў адрас патэнцыйных пакупнікоў прадукцыі Ржэўскага завода інфармацыйны ліст, які, на думку заяўніка, уводзіць у зман спажыўцоў у дачыненні якасці ўсёй яго прадукцыі, што наносіць шкоду дзелавой рэпутацыі завода.