СМІ: Каля 500 прыхільнікаў прарваліся да рэзідэнцыі Атамбаева
08.08.2019 / 16:06
Пад Бішкекам, у сяле Кой-Таш некалькі соцень сілавікоў спрабуюць узяць штурмам рэзідэнцыю экс-прэзідэнта Кыргызстана Алмазбека Атамбаева.
Як паведамляюць СМІ, чуваць страляніна, выкарыстоўваюцца святлошумавыя гранаты. Падыходы да сяла былі перакрытыя, у Кой-Таш адпраўленыя 11 брыгад хуткай дапамогі. Журналістаў не падпускаюць.
Каля 500 прыхільнікаў Атамбаева, што сабраліся ў сяле Кок-Джарэ паблізу Кой-Таша, прарвалі міліцэйскае ачапленне.
Парламент Кыргызстана ўвёў у краіне надзвычайнае становішча.
Учорашні штурм быў адбіты, прыхільнікі Атамбаева ўзялі
Парламент Кыргызстана 20 чэрвеня перадаў у пракуратуру пералік абвінавачванняў у адрас Атамбаева, падрыхтаваны спецыяльнай дэпутацкай камісіяй. Былы прэзідэнт можа быць датычны да карупцыі пры мадэрнізацыі ЦЭЦ Бішкека, вызвалення па падробленых медыцынскіх лістках лідара злачыннай групоўкі, незаконнага пераводу зямель і іншых незаконных дзеянняў. Атамбаеву можа пагражаць пажыццёвы тэрмін.
Атамбаеў назваў абвінавачванні парламентарыяў «абсурднымі», заявіў, што чысты перад народам і гатовы адказаць за ўсе свае ўчынкі на пасадзе прэзідэнта.
Алмазбек Атамбаеў узначальваў краіну з 2011 па 2017 год. Ён з'яўляецца адзіным усенародна абраным прэзідэнтам краіны, які добраахвотна перадаў уладу.