У Мінску знялі колы з каршэрынгавага аўто ФОТА
08.08.2019 / 17:23
«Фальксваген» кампаніі Hello застаўся стаяць на цаглінах у адным з мінскіх двароў.
Здарылася ўсё ў пачатку тыдня: 5 ці 6 жніўня. Спачатку з машыны зніклі тры колы, а пасля, праз некалькі дзён, і чацвёртае.
Вядома, што кампанія Hello звярнулася ў міліцыю. Заведзеная крымінальная справа па факце крадзяжу, але злачынцаў пакуль не знайшлі.
Каршэрынгавы сервіс Hello запусціўся ў Беларусі 1 мая. Прадстаўнікі кампаніі паведамілі «Нашай Ніве», што крадзеж колаў — першы падобны выпадак за тры месяцы працы.