U Lvovie chočuć admyć miascovych badziah, kab jany nie pužali turystaŭ
09.08.2019 / 21:08
Mer Lvova Andrej Sadavy daručyŭ svaim padnačalenym stvaryć umovy dla štotydniovaha kupańnia biazdomnych, kab jany nie pužali svaim źniešnim vyhladam turystaŭ i miascovych žycharoŭ, piša Zaxid.net.
«Na vulicach horada jość takaja nietypovaja situacyja, kali na łaŭkach, asabliva ranicaj, adpačyvajuć ludzi, jakim niama dzie žyć (…) Ja b chacieŭ, kab vy pradumali mahčymaść dla hetych ludziej rehularna — choć by raz ci dvojčy na tydzień — naviedvać łaźniu ci inšyja ŭstanovy, dzie jany mahli b pamycca, kab biazdomnyja byli ŭ adekvatnym vyhladzie», — skazaŭ Sadavy na pasiadžeńni vykanaŭčaha kamiteta.
Jon dadaŭ, što pa dapamohu z hetym pytańniem možna źviarnucca da pryvatnaha siektara ci hatelaŭ, jakija majuć SPA.