Іран заявіў пра свае правы на ўсе караблі ў Персідскай затоцы
12.08.2019 / 09:52
Іранскія ўлады могуць у любы момант захапіць любы карабель у Персідскай затоцы, нават калі яго суправаджаюць амерыканскія ці брытанскія сілы. Пра гэта заявіў адмірал Алірэза Тангсіры, камандзір Корпуса вартавых ісламскай рэвалюцыі, перадае Al-Arabiya са спасылкай на тэлебачанне Ісламскай рэспублікі.
Ён таксама падкрэсліў, што марскія сілы КВІР здольныя самастойна гарантаваць бяспеку ў Армузскай пратоцы і Персідскай затоцы і не маюць патрэбы ў замежнай прысутнасці. Военачальнік папярэдзіў, што, калі ў затоцы нейкім чынам апынуцца сілы Ізраіля, гэта можа прывесці да вайны.
Тангсіры абвінаваціў ЗША і Брытанію ў выдумлянні «розных сцэнарыяў», каб апраўдаць сваю прысутнасць у водах затокі, а таксама звярнуў увагу на тое, што амерыканскі бок неабгрунтавана абвінавачвае Іран у атацы на нафтавыя танкеры.