Prezident Litvy zajaviŭ, što nie bačyć padstaŭ dla pieramoŭ z Pucinym
13.08.2019 / 20:19
Prezident Litvy Hitanas Naŭsieda, jaki zaniaŭ pasadu miesiac tamu, zajaviŭ, što nie bačyć padstaŭ dla pieramoŭ z prezidentam Rasii Uładzimiram Pucinym.
«Pra što možna było b ciapier havaryć sa spadarom prezidentam Rasii Uładzimiram Pucinym? Pakul u nas takaja situacyja va Ukrainie, pakul u nas praciahvajecca eskałacyja napružanaści va ŭsim rehijonie, pramaŭlać prosta dypłamatyčnyja, pryjemnyja słoŭcy ja padstaŭ nie baču, a hałoŭnaje — u mianie niama na heta maralnaha prava», — zajaviŭ jon LRT.
Jon adznačyŭ, što Litva ŭśviedamlaje realnuju niebiaśpieku i ryzyki, bo znachodzicca pobač z Rasijaj, tady jak Jeŭrasajuz u płanie staŭleńnia da Rasii raskołaty.