Aŭtamabil u Kapylskim rajonie nie sastupiŭ darohu ratavalnikam, što śpiašalisia na pažar. Zahinuli kiroŭca-žančyna i pasažyr
17.08.2019 / 08:30
Zdareńnie adbyłosia siońnia a 7-j ranicy kala vioski Baboŭnia Kapylskaha rajona. Pra jaho paviedamiŭ u svaim fejsbuku aficyjny pradstaŭnik MNS Vital Navicki.
Aŭtamabil ratavalnikaŭ UAZ imčaŭsia pa aŭtadarozie R-91 na pažar z uklučanaj śvietłavoj i hukavoj sihnalizacyjaj. U toj ža čas aŭtamabil «Tajota» vyjechaŭ na trasu z druhasnaj darohi.
U vyniku DTZ u mašynie zahinuła žančyna-kiroŭca, a pasažyr-mužčyna atrymaŭ traŭmy.
Da pryjezdu chutkaj dapamohi ratavalniki pradastavili pieršuju dapamohu ludziam.
Ministerstva vykazvaje spačuvańni rodnym i blizkim, pryčyny i ŭsie abstaviny zdareńnia vyśviatlajucca.