Biełaruskija sudy pierachodziać na poŭny aŭdyja- i videazapis sudovych pracesaŭ
20.08.2019 / 17:43
Biełaruskija sudy z 1 studzienia 2020 hoda pierachodzić na poŭny aŭdyja- i videazapis sudovych pracesaŭ. Pra heta paviedamiŭ siońnia žurnalistam staršynia Viarchoŭnaha suda Valancin Sukała, piša BiełTA.
«My z 1 studzienia pierachodzim na poŭny aŭdyja- i videazapis sudovych pracesaŭ. Tady, ja dumaju, mnohija prablemy, jakija isnujuć siońnia ŭ častcy acenki, demanstracyi dokazaŭ, buduć źniatyja», — skazaŭ Valancin Sukała.
Pastupova pratakoły na papiarovych nośbitach buduć adychodzić u minułaje, usie pakazańni buduć dasłoŭna zafiksavanyja, a značyć, u bakoŭ nie budzie ŭźnikać zaŭvah i sprečak.
«I sami pracesy buduć prachodzić całkam u inšym režymie — režymie pavahi da zakonu. Heta budzie dadatkovy stymuł dla dakładnaha praviadzieńnia sudovych pracesaŭ», — dadaŭ staršynia Viarchoŭnaha suda.