Ź jakoha ŭzrostu dzicia moža jeździć adno ŭ transparcie
Ź jakoha ŭzrostu dziciaci patrebien kvitok u transparcie i ź jakoha momantu dazvalajecca adpraŭlać jaho ŭ samastojnuju pajezdku, karespandent «Minsk-Navinaŭ» daviedałasia ŭ pres-słužbie Transpartnaj inśpiekcyi Mintransa.
21.08.2019 / 11:40
Jak udakładnili ŭ viedamstvie, u haradskich i pryharadnych pieravozkach pasažyr pavinien zabiaśpiečyć supravadžeńnie dziciaci da 7 hadoŭ, pry mižharodnich pieravozkach — da 14. Takaja norma źmiaščajecca ŭ Praviłach pieravozak pasažyraŭ.
— Kali kazać ab kupli kvitka dla dziciaci, to ŭ hetym vypadku ŭspomnim nastupnaje praviła: da spaŭnieńnia dziciaci 5 hadoŭ možna nie apłačvać prajezd, ale pry hetym nieabchodna ŭziać u kiroŭcy biaspłatny (ilhotny kvitok) — heta budzie harantyjaj vašych pravoŭ, kali ŭ darozie zdarycca što-niebudź niepradbačanaje, — adznačyła pres-sakratar transpartnaj inśpiekcyi Ministerstva transpartu i kamunikacyj Iryna Jabłonskaja.