У Татрах маланка забіла пяцярых турыстаў
22.08.2019 / 19:17
У польскіх Татрах пранеслася магутная бура, маланка папала ў групу турыстаў, паведамляе RMF24. Маланка забіла чацвярых турыстаў у Польшчы (у тым ліку дваіх дзяцей) і аднаго ў Славакіі.
Група турыстаў знаходзілася ў раёне масіву Гевонт, калі туды папала маланка.
Цяпер горна-выратавальныя службы праводзяць некалькі выратавальных аперацый, бо, як паведамляецца, маланкі папалі і ў іншыя месцы. У выратавальнай аперацыі задзейнічаны верталёты.
Польскія ратавальнікі паведамляюць пра 22 параненых. Магчыма, што пацярпелыя ёсць і ў іншых раёнах Татраў.