Tusk: Ni pry jakich umovach ES nie pahodzicca na viartańnie Rasii na G7. Zamiest jaje zaprosim Ukrainu
24.08.2019 / 15:01
Staršynia Jeŭrapiejskaj rady Donald Tusk prapanavaŭ abmierkavać zaprašeńnie Ukrainy na nastupny samit G7 zamiest Rasii. Pra heta jon zajaviŭ, vystupajučy na pres-kanfierencyi pierad pačatkam samitu «Vialikaj siamiorki» ŭ Bijarycy, pieradaje Bloomberg.
Jon nahadaŭ ab prapanovie prezidenta Donalda Trampa viarnuć Rasiju ŭ heta niefarmalnaje abjadnańnie. Tusk zaŭvažyŭ, što Tramp adkryta nazvaŭ apraŭdanaj «anieksiju Kryma Rasijaj» i zaklikaŭ pryznać hety fakt.
«Ni pry jakich umovach my nie možam pahadzicca z takoj łohikaj <…> Kali ŭžo havorka idzie ab paŭtornym zaprašeńni Rasii za hety stoł, to ja skažu, što pryčyny, pa jakich zaprašeńnie RF było adklikana ŭ 2014 hodzie, usio jašče aktualnyja», — skazaŭ Tusk.
Jon adznačyŭ, što da Kryma dadalisia i inšyja rečy, naprykład, «pravakacyi Rasii ŭ Azoŭskim mory».
«Siońnia ja pasprabuju pierakanać svaich surazmoŭcaŭ, što lepš zaprasić Ukrainu ŭ jakaści hościa na nastupny samit G7», — zajaviŭ kiraŭnik Jeŭrapiejskaj rady.