Itałija zabaraniła humanitarnym arhanizacyjam šukać mihrantaŭ z pavietra
27.08.2019 / 22:12
Dźvie humanitarnyja hrupy, jakija vykonvali pošukava-vyratavalnyja misii dla mihrantaŭ ź italjanskaha vostrava Łampieduza, zajavili, što ich samaloty zaziamliła ŭpraŭleńnie cyvilnaj avijacyi Italii, paviedamlaje The Guardian.
Niamieckaja hrupa Sea Watch i francuzskaja niaŭradavaja arhanizacyja Pilotes Volontaires pacvierdzili, što ich paloty spynili.
Pa słovach pradstaŭnika Sea Watch, adpaviednaje rasparadžeńnie zjaŭlajecca palityčnym.
Va Upraŭleńni cyvilnaj avijacyi Italii pacvierdzili spynieńnie palotaŭ, zajaviŭšy, što samaloty arhanizacyi byli adobrany dla rekreacyjnaha, a nie prafiesijnaha vykarystańnia.