Офіс Зяленскага адмаўляе завяршэнне абмену зняволенымі з Расіяй
30.08.2019 / 09:38
У офісе прэзідэнта Украіны Уладзіміра Зяленскага абверглі паведамленні аб завяршэнні абмену палоннымі з Расіяй. Пра гэта паведамляецца на старонцы офіса ў фэйсбуку.
«Працягваецца працэс узаемнага вызвалення затрыманых. Інфармацыя пра завяршэнне не адпавядае рэчаіснасці. Не ўпершыню мы бачым інфармацыйны хаос, выкліканы спасылкай на непацверджаную інфармацыю і шматлікімі «крыніцамі», - гаворыцца ў паведамленні.