U Minsku raŭnivy muž pasvaryŭsia z žonkaj i padrapaŭ «Miersiedes» jaje siabroŭki
05.09.2019 / 08:26
U apieratyŭna-dziažurnuju słužbu Partyzanskaha RUUS Minska pastupiła paviedamleńnie ad žycharoŭ doma pa zavułku Vučnioŭskim. Jany paviedamili, što na parkoŭcy nieviadomy mužčyna drapaje aŭtamabil marki «Mercedes-Benz C220», paviedamlaje HUUS Minharvykankama.
Milicyjanty, jakija vybyli na miesca zdareńnia, vyśvietlili, što paškodžany aŭtamabil marki «Mercedes-Benz C220» naležyć 48-hadovaj žycharcy stalicy. Svaju mašynu minčanka pieradała ŭ karystańnie siabroŭcy na niekatory čas.
Apytaŭšy siabroŭku, pravaachoŭniki ŭstanavili mierkavanaha złamyśnika. Im akazaŭsia 53-hadovy muž siabroŭki.
Žančyna raspaviała, što vychodziła z domu i niečakana dla siabie sustreła muža. Jany pačali abmiarkoŭvać akaličnaści budučaha razvodu, adnak hutarka zajšła ŭ tupik i para pasvaryłasia. Paśla razmovy žančyna nakiravałasia da aŭtamabila siabroŭki.
Ubačyŭšy, što ŭ jaho žonki źjaviŭsia novy aŭtamabil, muž vykazaŭ zdahadku, što aŭto joj padaryŭ inšy mužčyna. I staŭ drapać mašynu klučami. U vyniku z-za biazdumnaha ŭčynku raŭnivamu mužu pryjdziecca vypłacić škodu ŭ pamiery 1800 rubloŭ.