Zjavilisia foty rasijskich vajskoŭcaŭ, jakija zahinuli ŭ Siryi. Rasija raniej abviarhała ich hibiel
06.09.2019 / 16:52
Apublikavany fotazdymak rasijskich vajskoŭcaŭ, jakija zahinuli ŭ Siryi ŭ vyniku sutyknieńnia z paŭstancami z hrupoŭki Front nacyjanalnaha vyzvaleńnia (ich padtrymlivaje Turcyja). Krynicy RBK, znajomyja z abstavinami hibieli vajskoŭcaŭ, pacvierdzili sapraŭdnaść hetaha fota.
Kala troch partretaŭ u žałobnych ramkach lažać kvietki. Adznačajecca, što try vajskoŭcy zahinuli 3 vieraśnia, padarvaŭšysia na minie. Znajomyja adnaho z vajskoŭcaŭ pacvierdzili, što pryčynaj jaho hibieli staŭ vybuch miny.
Zahinuli starejšy lejtenant Kirył Nikanaŭ, kapitan Dźmitryj Syskoŭ i major Raman Micyk, jašče dvoje vajskoŭcaŭ paciarpieli. Pavodle krynicy, jany słužyli ŭ Siłach śpiecyjalnych apieracyj US Rasii.
Napiaredadni Minabarony Rasii aficyjna abviarhała paviedamleńni pra hibiel rasijskich vajskoŭcaŭ.
Rasijski śpiecnaz paciarpieŭ u Siryi surjoznyja straty ŭ vyniku sutyknieńnia z siryjskimi paŭstancami z hrupoŭki Front nacyjanalnaha vyzvaleńnia, jakich padtrymlivaje Turcyja.
Pavodle roznych źviestak mahło zahinuć ad troch da dzieviaci rasijskich vajskoŭcaŭ.