«Пад вашым кіраўніцтвам краіна працягвае рух па шляху ўмацавання дабрабыту»: Лукашэнка павіншаваў Кім Чэн Ына
09.09.2019 / 11:27
Сіньхуа / БелТА
Аляксандр Лукашэнка павіншаваў старшыню Дзяржсавета КНДР Кім Чэн Ына з нацыянальным святам — Днём утварэння КНДР. Пра гэта БелТА паведамілі ў прэс-службе беларускага кіраўніка.
«Пад вашым кіраўніцтвам краіна працягвае паспяховы рух па шляху ўмацавання нацыянальнага суверэнітэту і дабрабыту грамадзян, дасягнула адчувальных практычных вынікаў у няпростай справе ўстанаўлення дыялогу і атмасферы даверу на Карэйскім паўвостраве, — гаворыцца ў віншаванні. — Упэўнены, што прыязныя адносіны паміж Беларуссю і Паўночнай Карэяй будуць і ў далейшым эфектыўна развівацца на карысць нашых народаў».
Аляксандр Лукашэнка пажадаў Кім Чэн Ыну моцнага здароўя і плённай дзейнасці, а жыхарам КНДР — міру і шчасця.