Madelku, što abvinavaciła Niejmara ŭ zhvałtavańni, zapadozryli ŭ vymahalnictvie
11.09.2019 / 08:42
Hramadzianskaja palicyja brazilskaha štata San-Paŭłu pradjaviła abvinavačvańni ŭ iłžyvym danosie i vymahalnictvie madeli Nažyle Tryndade, jakaja raniej abvinavaciła forvarda zbornaj Brazilii pa futbole Niejmara ŭ zhvałtavańni. Pra heta paviedamlaje telekanał Globo.
Fota ź instahrama Niejmara
Anałahičnyja abvinavačvańni taksama pradjaŭlenyja byłomu mužu madeli Estyviensu Ałviesu, jakoha śledstva ličyć saŭdzielnikam złačynstva.
Pazoŭ ab paklopie i sprobie vymahalnictva suprać Tryndade padaŭ baćka futbalista Niejmar da Siłva Santas. Z samaha pačatku jon zajaŭlaŭ, što incydent vakoł jaho syna źjaŭlajecca «padstavaj». «Kali treba budzie pakazać paviedamleńni Niejmara ŭ WhatsApp i razmovy z hetaj žančynaj, my heta zrobim», - kazaŭ Niejmar-starejšy ŭ červieni hetaha hoda, kali stała viadoma pra abvinavačvańni ŭ adras jaho syna.