Zialenski padpisaŭ zakon ab admienie deputackaj niedatykalnaści
11.09.2019 / 13:37
Fota UNIAN
Prezident Ukrainy Uładzimir Zialenski padpisaŭ zakon ab admienie deputackaj niedatykalnaści, paviedamlaje Interfaks-Ukraina.
Zakonam budzie vyklučana z art.80 Kanstytucyi pałažeńnie ab tym, što narodnyja deputaty nie mohuć być biez zhody Viarchoŭnaj Rady pryciahnuty da kryminalnaj adkaznaści, zatrymanyja abo aryštavanyja, a taksama što im harantujecca deputackaja niedatykalnaść.
U artykule zastaniecca tolki adna norma — pra toje, što narodnyja deputaty Ukrainy nie niasuć jurydyčnaj adkaznaści za vyniki hałasavańnia abo vykazvańni ŭ parłamiencie i jaho orhanach, za vyklučeńniem adkaznaści za abrazu abo paklop.
Praduhledžana, što zakon ustupić u siłu z 1 studzienia 2020 hoda.