Raka Pina ŭ Pinsku całkam pazielanieła FOTAFAKT
16.09.2019 / 17:31
Fota Siarhiej Dziamjanaŭ, facebook.com/sergei.demyanov
Raka Pina ŭ Pinsku całkam pakryłasia raskaj. Što adbyłosia i ci chvalavacca miascovym, zadajecca pytańniem Tut.by.
Fotazdymki «pazielaniełaj» Piny chutka razyšlisia pa miascovych pablikach. U kamientarach karystalniki nazyvali rasku «hazonam», «futbolnym polem» i vykazvali zaściarohi z nahody budučaha paleskaha sudnachodstva.
Ale padstavaŭ dla chvalavańniaŭ niama, paviedamiła TUT.BY načalnik pinskaj rajonnaj inśpiekcyi pryrodnych resursaŭ i achovy navakolnaha asiaroddzia Nadzieja Michniuk. Pavodle jaje słoŭ, zjaŭleńnie raski na Pinie vyklikana dvuma faktarami: ustanoŭkaj na čas rekanstrukcyi asnoŭnaha mosta pantonnaj kanstrukcyi dla ruchu aŭtatranspartu, jakaja asłabiła płyń raki, i zasušlivaje leta.
— Adkaznyja słužby manitorać jakaść vady. Pakul nijakaj infarmacyi ab tym, što vada pahoršyłasia, u nas niama, — paviedamiła Nadzieja Michniuk.
Rekanstrukcyja mosta praz Pinu pačałasia ŭ krasaviku 2019 hoda. Čakajecca, što ruch pa im adkryjecca ŭ kancy 2019-pačatku 2020 hoda.