ДАІ прапануе мацней караць п'яных кіроўцаў — штраф да 5000 рублёў і 5 гадоў без правоў
23.09.2019 / 07:39
Дзяржаўтаінспекцыя выступіла з прапановай дыферэнцыяваць ступень ап'янення і павялічыць штрафы, паведаміў СТВ Станіслаў Салавей, афіцыйны прадстаўнік УДАІ МУС Беларусі.
Цяпер, калі на экране алкатэстара будзе 0,3 праміле і вышэй, кіроўцу прызначаецца штраф ад 50 да 100 базавых велічынь, гэта значыць ад 1275 да 2550 рублёў і пазбаўленне правоў на 3 гады.
МУС выступае ініцыятарам узмацнення адказнасці. Мяркуецца, што ў межах 0,3-0,8 праміле пакаранне застанецца ранейшым; калі ж алкатэстар пакажа 0,8 і больш — штраф мае складаць 200 базавых велічынь і пазбаўленне пасведчання кіроўцы тэрмінам на 5 гадоў.