Трамп: З Зяленскім ва Украіне будзе больш сумленнасці
23.09.2019 / 20:43
Прэзідэнт ЗША Дональд Трамп заявіў, што ва Украіне падчас праўлення прэзідэнта Уладзіміра Зяленскага «будзе больш сумленнасці», паведамляе Fox News.
«Калі мы маем справу з краінай, мы хочам сумленнасці. І я думаю, што з новым прэзідэнтам ва Украіне будзе больш сумленнасці. Гэта важна — казаць пра карупцыю, калі даеш грошы краіне, якую лічыш карумпаванай. Адна з прычын абрання новага прэзідэнта — у тым, што ён захацеў перамагчы карупцыю», — сказаў прэзідэнт ЗША.