Трамп: Я не пагражаў адмяніць вайсковую дапамогу Украіне
23.09.2019 / 23:15
Прэзідэнт ЗША Дональд Трамп заявіў, што ён не пагражаў Украіне адмовіць у вайсковай дапамозе, калі не будзе пачата расследаванне супраць сына Джо Байдэна.
«Я не казаў, што вы павінны зрабіць гэта альбо я не перадам вам дапамогу», — заявіў Трамп The Hill.
Пры гэтым кіраўнік Белага дома адзначыў, што ЗША даюць Украіне і іншым краінам велізарную фінансавую дапамогу і хочуць, каб яны не былі карумпаванымі.