ФІФА назвала найлепшага футбаліста года
23.09.2019 / 23:21
Нападаючы Ліянель Месі стаў найлепшым футбалістам 2019 года па версіі Міжнароднай федэрацыі футбола.
У барацьбе за ўзнагароду аргенцінец абышоў форварда «Ювентуса» Крышціяну Раналду і абаронцу «Ліверпуля» Вірджыла ван Дэйка.
У мінулым сезоне Месі ў складзе «Барселоны» выйграў чэмпіянат Іспаніі. Каталонцы таксама дайшлі да паўфіналу Лігі чэмпіёнаў, дзе саступілі англійскаму «Ліверпулю».